قصيده لم تكتمل

استيقظت من سباتي العميق فوددت

أن أرى عينيك نهاري

وصوتك مائي الذي اتوضأ به

وقلبك ردائي الذي سأردتيه

ومشاعرك غذائي الذي ساقوى به

وقلبك مرآتي التي اتجمل يه

ولكنني استقيظت فلم اجد سوى همساتي

وانيني واهاتي من طول انتظار ملاكي

لم تأت بعد

اريدك ان تاتي فتمسح عبراتي

وتداوي آهاتي وتنزع من اشلائي اشتياقي اليك


أنا جيت وحشتوني جدن جدن

يعني البوست الجديد في دماغي لسه مش جاهز

ودي حاجه كنت كتبها من شهر تقريبا ومعرفتش اكملها

كنت بشوف حلاوه كل يوم يكتب قصيده

وادخل البلوجات كلها بكتب قصايد كدهوت

قلت انا كمان عاوزه اعمل زيهم

فالفت البتاعه دي

براحتكوا هي عندكوا لو حد عاوز يكملها

يعدلها يعني اصل انا مش عندي حاجه اكتبها

فقلت الناس زهقت بقه فقلت انزلها


بس انا عاوزه تمبليت غير دي

مش حاسني أنا حد يجيبلي

شكل حلو ويقنع حلاوه نغيرها

بطوطي الرقيق

لحظه وداع لحظه بكاء لحظه الم

المت بي كل الاشياء منذ ان تلقيت الخبر ووقفت لعله بكابوس

ولن يتم

ذهب صوتي في نفس اليوم الذي علمت بخبر رحيلك لعله يستجدي

ما سوف يتبقى من الكلام في غيابك وخشيت ان اموت

من هول الوداع

فهربت كعادتي اختلي بنفسي حتى لا تعلمين فتركت المرض يهلك بي

كي لا احس باألم ما لا أتوقعه


اذهلني الخبر ففتّ عضّدي من هوله وصار قلبي يترنح بين احشائي

يفتك بيها يتخبط بين اضلوعي فيقضي على كل مافيها من احساس

باي شي في غيابك

يعتصر الما ويصرخ ندما بالا ترحلين

فنسيت مابي من الالام وجئتك لارتمي وانام بين احضانك استودع

نفسي التى علقت بيك

فهربت من عيناكي لتلاشي موعد الرحيل

وحان الوقت واذا بي كل شي بداخلي ينتفض مني ويهرول اليكي

يتوسل بكل مافيه أليس من بديل فجرى في قلبي شواطي من الاحزان

وفي عيني أمطار من الدموع تحاول الا تتساقط من اجل ان يبقى اخر

لقاء بيننا ذكري وديعه

وبدات تتحرك عجلات السيارة وانا لا استطيع ان اصف ماذا كان بي

حينها سواء اني شعرت

اني من تدوسه تلك العجلات واني أُقطع بالأسفل منها ولا احد يراني

مثلما تراني انتي

فرمقتني بنظره شوق وحنان انه لامن فرار فبكيتي فكانك تبكين

باأعيان شفافه

من الزجاج مثل قلبك رأيت فيها ابتسامتك المعهوده فارتعد قلبي واخذ


يخفق في كلاتجاه وحاول ان يخرج مني


ويسرع للحاق بيكي فلم يستطع فاخذ يصيح بان دعوها

فهي ليا باأجمل انيس وصوت نحيبه كصوت تائه ضاع في الفلا يعلن بشده

الاكي انتي ياملاكي

الاكي انتي يافتاتي

الاكي انتي فقد رايت معاكي طفله شريده بعيده الافاق

رايتك حلم تتوه فيه ملامحي بين تفاصيل الزمان

رايتك كقطرات الماء للعطشان في الصحراء

رايتك شمسي فوجدتكي دفي وبابي ونجاتي من الضياع

رايتكي انشوده يتغاني بيها لساني وينشد أعذب الالحان

رأيتكي أملا وظلا وحنانا ورأيتك بركان دون غليان

ورحلنا والجميع يبكي والكل يتماسك وانا لا استطيع

كلما تذكرت وقت حزني ورسائلك شعرت بنار تخرج منه لا اطيق كتمانها

تركت في قلبي مالم

يتركه احدا في غيابه

فهذى عقلي وهرم عمري من شوقي اليكي

ساشتاق اليك كثير فلا ترحلين عن قلبا لم يضمره سوى

غيابك عنه اشتقت اليك فاكتبه من اجلك بعد وداعنا

خاص للبطوط

هتوحشيني اوي يابطوطي وطنطن في عينينا

انا اتبسطت اوي

انك سميت الدبدوب بتاعك فرفور

فرفور بيعيط من غيرك يابطوط


معلش بعتذر لأي حد عمل كومنت ع التاج

سوري انا مش هاقدر ارد على حد

يمكن البوست ده يقعد شويه كتير

يعني ناويه ارحمكوا واديكوا اجازه مني

نظرن لاني مزاج مش تمام

فدعواتكم والله المستعان

عندما تتحدث عن نفسها

تاج ياتاجي ياتاج اه ياتاج

اقولي ياتاج ازاي اشكر بسمتي ع التدبيسه الحلوه دي

شكرا ياجميله يابنت عمو بو حريدعلى انك مررتلي التاج

بصوا بقه بصراحه يعني انا مكنتش ناويه ارد خالص على اي تاج يجيلي

بس بصراحه لما شوفت تاج شيكو اون لاين الله يرحمها اتاثرت جدا

وكمان كان في عندي سبب تاني اني ماردش هو اني بنت خالي

قالتلي التاج ده يااجاباتك تبقى دمها خفيف يابلاش وان ا الحق يقال

اتقل دم في اخواتي لا ااااااابس اذكهم فانا قلت لنفسي هاقول اللي جوايا

ورزقي على الله فاستحملوني بقه

انت مين؟

بصراحه أنا قعدت افكر أنا مش بعرف اكتب شعر اوصف بيه نفسي

ولا عاوزه اجاوب اجابات نموذجيه

فسالت نفسي هو ايه اللي انا حس بيه فطلع الكلام ده:

أنا بقية من حته مش معنيه في قلب كل انسية في الدنيا دي

أنا بقية السواعد العفية والهمسات النقة

انا بقية ضحكه في يوم اتحولت لدمعه مهريه

أنا بقية نخله تبان من بعيد عتية تجري عليها تلاقيها منحية

أنا بقية زمان مات فيها الكلام ومعتش فيه غير أنين الأحلام

بس خلاص

مين أكتر ست اشخاص بتحبهم؟

بصراحه السوال ده رخم اوي

أنا الحب عندي أفعال لا أقوال

وأكيد يعني الرسول طبعا وعايلتي واصحابي وماي تيم وكده يعني

أنت سعيد؟

عه؟ايه السوال الواعر ده

مخدنهوش في المدرسه

أنا بصراحه ببقى سعيده لما يبقلي لازمه وماكدبش عليكوا

انا اليومين دول حاسه اني ماليش اي لازمه زي زي اي

كرسي في البيت مش لاني عيلتي بتعملني وحش

بس لاني يمكن في نفس الوقت السنه اللي فاتت

عرفت ازاي يبقلي لازمه بس يمكن ربنا مكملهاش

بس أنا الحمد الله راضيه وتمام تمام

لو اجتمعت أنت وحسني مبارك في غرفه واحده هتقوله ايه؟

هأقوله على راي خالتك نانسي

اللي بيسمع كلمة شعب

شو بنقل هشاطر شاطر

اللي بيقعد عاقل وحده ومش بيحطم احلام بلاده

شو بنقله شاطر شاطر

لو معاك مليون و نص ح تعمل ايه ؟

ياه دا أنا هعمل عمايل

أولا هبني جمعية للستات اللي مش لاقين عرسان

تبقى جمعيه تعلمهم كل حاجه اتكيت فن اللبس الذوق تربيه الاولاد

معاملة حامتها وهروح عامله فيها ندوات

ثقافيه وفنيه وكل الكلام يديها البنات دي

يحضر الندوات رجاله مش مجوزين يشفوا البنات يقوموا متجوزينهم

وابقه حلت مشكله العنوسه من غير مااجرح البنات

وكمان بختارلها رجاله بيحضروا ندوات فحد يكون مناسب لها

ثانيا هشتري مزرعه خيل علشان بحبهم اوي ان شاءالله حتى حصان واحد بس

ثالثا نفسي أعمل اذاعه للاطفال وتضرب نجوم اف ام

رابعا نفسي اشتري الأرض اللي جنب كنتاكي علشان أحقق حلم

اعز انسانه عندي بنت خالي خلود وتبني عليه فرع وصيه وفوقه

برج للعائله كلها

اخير حاجه عربيه بي ام ربع عمر كده علشان زوزيتا نفسها تجيب

عربيه بي ام وكفايه كده

بتحب مصر؟

ياه أنا عندي قصيده مش بتاعتي طبعا

بحاسه اوي بترد ع السوال ده قصيده

للأستاذ بتاعنا أحمد عبد الحي

أنا واخد على خاطري

أنام ياروحي أحلم بك

وتحلم انت بالغربي

ولا غربي ولا صيني

ولادك ياوطن حبوك

فمتحبش ولاد غيري

أنا منك

جدورك ياوطن في الأرض

ولما يوم يميل الدهر

أكون سندك وأقولها في سري أو بالجهر

أنا والله ياعمري بدوب في هواك

بلاش انت تغربني

وشد بإيدي قربني

دا قربك ياوطن جنة

وريحة الجنة بتهفهف ترد الروح

وأنا روحي تروح لهواك

وتفضل في البعاد حايرة

وتسأل ليها عن مينا فترسى عليك

وترتاح ياوطن جواك

دي مشكلتي لاهي إرهاب

ولا إدمان ولا بطالة

يامصر المشكلة حبك وده رأيي

بجد ده احساسي بيها دلوقتي أنا بسبب

القصيده دي كان مطلوب مني أعمل حوار مع الأستاذ

بس كنت اجي لعندها واقف بجد واعمل دماغ عكنانه وأنام

بتحب البنات ؟

بصراحه اه بس كان نفسي أكون ولد

مش علشان حاجه قد ماعلشان اعيش بحريتي اكتر من كده

اخرج وقت ماحب وارجع وقت ما أحب

الحياه اللي محدش يحسبك عليها

بس بجد أنا معتزه جدا اني بنوته

ايه اكتر موقف محرج اتعرضت له ؟

بصراحه انا مش فاكره اصل المواقف المحرجه

اني اكون محرجه من نفسي في حاجه فظيعه واقول أنا ازاي عاملت

كده بس الحمد الله يعني مفيش حاجه فظيعه أوي

ايه اكتر امنية نفسك ربنا يحققها لك؟

اولا نفسي أطلع عمره وأحلم بالرسول

ثانيا أنا عندي هدف في حياتي شعار عايشه بيه نيك نيم على الايميل

مش بغيره وبكتبه في كشكول المحاضرات اول السنه

كلمه سمعتها وأنا في سنه اولى كليه من صحابي اسمه البراء بن

مالك هي ولأموتن والاسلام عزيز فنفسي اموت وهو

كده وابقى أنا السبب في اي حاجه فا دعولي بقه

ثالثا اني اموت زي موتة سيدنا عثمان بن عفان بجد موته شياكه

نفسي يحصلي حاجه تتخلى عني الناس وميبقليش غير ربنا واموت

وانا بقرا قران وكمان أموت قبل ابويا ومامتي طبعا

وحلاوه وأجمل حاجه في حياتي مش هأقول عليها ماي أنتيم لانها

فوق الكلمه دي هاجر حبيبتي وأي حد من اللي بحبهم طبعا

علشان أنا بجد مش بفكر بين وبين نفسي الحياه بعدهم ممكن تكون

ازاي اصلا فيارب اموت قبلهم بجد

رابعا نفسي اخلص الكليه وأدخل معهد سينما قسم اخراج واعمل فيلم

فظيع اجيب فيه برادبت وجورج كلوني وساندرا

وجوليا روبرت ومن عندنا اجيب يسرا وليلى علوي وأحمد عز وخالد

النبوي والناس الجامدين ساعتها وأعمل فيلم

عالمي فظيع يكسر الدنيافي هوليود واعرفهم فيه يعني ايه اسلام

يقعدوا يقولوا ده اللي عاملينه مسلمين يبقى اخراجي وتاليف مريومتى

اخر حاجه بقه نفسي أخلف ولد زي محمد الفاتح ويبقى واد ماوش

حل وياسلام لو يحرر فلسطين مثلا

اظن كفايه عليكم امنيات ليت المطالب بالتمني

هاحدف التاج ده

للخيط الرفيع

وكائن نوراني

والاميرة ميرامار

وبتانستوكيسو

وديو

و لعل وعسى ترد علي