ايه ياد الطعامة دي

طبعا البوست اللي فات
عملت فيها ست الكتكوتة مناحة
وعايزة تقفل البلوجاية
بس على نفسها معايا الباسورد
وغيرت التمبيليت لتاني مرة
شريرررررررر جدن يا واد ياحلاوة
بس آهو أسود
يارب يعجبك وتلاقي فيه نفسك
مايصحش تغدري بالبلوجاية اللي فرحتك
واستحملت غبائك كتييييييييير
في لحظة تمسحيها ياست هانم
سبيها مفيش بوستات رزقها واسع
هيجي كمان شوية ايه المشكلة
لو مكنتش موجودة
كنتي هتعرفي تبتعي بوست حتة مني
مبترديش ليه
ردي ردي ناس متجيش غير بالللللل
وخدي البوقين دول
اكسيكلوسييييييييييييييييف
لسه قصيدة مكملتش
بس مش خسارة فيكي
انتي أولى من الللللللللللللللل
..........................

معرفش ليه كل أما أشوفك
بحس إن اليوم سعيد
بلقى فرح دخل ف قلبي
خلى ليلة الحزن عيد
يمكن بعيد
إني يوم أقدر أزيد
بس الأكيد
حبك ساكن لي في الوريد

مغلق بلا عوده

بسم الله الرحمن الرحيم

وأيوب إذ نادى ربه أني مسني الضر وأنت أرحم الراحمين)ا





(فدعا ربه أني مغلوب فانتصر)ا




جئت الى عالم التدوين هاربه

وافر منه هاربه ايضا

شكرا لكل من اضف تعليق

ورسم على شفاتي ابتسامه

دعوداتكم علشان الايات دي أنا

بجد اتبسطت وعيطت معاكم

وشركتوني لحظات كتير

اصبحت بقايا للبقايا

حته مني

نفسي أعيط جوه مني

نفسي انهنه وأستفيض

نفسي اخلي الدمعه نازله تحرق في الوريد

نفسي أصرخ وأرمي وجعي

جوه قالب من حديد

نفسي أروح في مكان بعيد

أداوي همي وأكوي دمعي

لجل يوم ما يستفيض

نفسي أرجع ويا نفسي حد

غيري يكون عنيد

نفسي أداوي جرحك أنت

حتى لو هأحط قلبي وسط قضبان حديد

نفسي ألم دمعك جوه عيني لأني

مش هستحمل لحظه يفيض

نفسي أخدك جوه جفوني

بين رموشي وأغفيك

نفسي أغرق جوه حزنك أنزع

الهم اللي صايبك

نفسي أصحى الصبح مره

الاقى مطبخنا الجميل

الاقي ايدك حاضنه طاسه اللبن الحليب

ويا طبق من كورن فليكسنا الشهير

ونجري نطلع نفتح شباكنا الكبير

ونأكل ويا بعض حمامنا الجميل

ونضحك ضحكه صافيه ونتفرج ع الزبالين

كان نفسي نفضل علطول صغيرين

نفسي ابوسك بين عيونك

لجل قلبك يستكين جوه حضن قلبي

لكن اللي في ايدي مش كتير

ياحلاوه ياحته مني

يأخويا وأبويا وابني

ياريتني كنت أقدر أعمل أي حاجه

بس مش في ايديا حاجه

بس جوه قلبي حاجه رافضه

يوم تكون أسير

شد حيلك وأملى قلبك بالوكيل